A woman carries a tote bag which has been customised with a panda motif from Creative Park with Canon's iron-on transfers.

PRINTIM KRIJUES

Personalizoni gardërobën tuaj me printimin e "Canon PIXMA" në tekstile

Nëse keni një pamje apo dizajn që ju pëlqen, mund ta shtoni me lehtësi në bluzë, çantë apo jastëk, apo çfarëdo tekstili tjetër me anë të stampave me hekurosje nga "Canon" dhe një printeri të pajtueshëm "Canon PIXMA". Mbase jeni pjesëtar i ndonjë skuadre sportive apo dëshironi të printoni rroba të personalizuara për një aktivitet? Mbase dëshironi të bëni dhurata të personalizuara për shoqërinë tuaj apo edhe të krijoni punime artistike tekstili në mur? Çfarëdo që mund të mendojë imagjinata juaj, mund ta bëni tani realitet. Dhe nëse ju vijnë me vështirësi idetë, Creative Park ofron një gamë dizajnesh emocionuese që mund t'i shkarkoni falas.

Stampat me hekurosje bëhen shumë lehtë dhe shpejt do të shihni se ka shumë gjëra që duken më mirë me pak personalizim.

A sheet of iron-on transfers on a printer tray next to a smartphone and a t-shirt.
Shumë dizajne zbavitëse stampimi me hekurosje mund t'i gjeni te Creative Park, mes të cilave edhe këtë familje të këndshme pinguinësh Roly-Poly.

Ju duhet:

  • Një printer i pajtueshëm* "Canon PIXMA"
  • Stampat me hekurosja nga "Canon" (ofrohen për tekstile të çelëta ose të errëta)
  • Dizajni juaj i preferuar
  • Një bluzë/çantë/tekstil të zgjedhjes suaj (materiali duhet të jetë së paku 50% pambuk; që mund të lahet në makinë larëse në 30°C)
  • Gërshërë
  • Tryezë hekurosjeje dhe hekur

Stampimi i dizajnit

Stampat me hekurosje të "Canon" ofrohen në madhësi A4, që të mund të krijoni dizajne të mëdha. Nëse motivet i keni më të vogla mund të vendosni disa në të njëjtin dokument në motiv të përsëritur për ta përdorur më me rendiment letrën e stampimit. Kur ta keni gati dizajnin, ndiqni këta hapa të thjeshtë:

1. Ngarkoni printerin

A woman loads a sheet of iron-on transfer paper into a Canon PIXMA TS5350 printer.
Ne po personalizojmë një bluzë të errët, ndaj kemi zgjedhur Dark Fabric Iron-on Transfers për këtë projekt.

Zgjidhni letrën e duhur të stampimit. Ka dy variante, një për tekstile të çelëta dhe një për tekstile të errëta, që do të thotë se qoftë kur e vendosni dizajnin në perde të errëta, jastëk të çelët, xhaketë xhins apo bluzë të bardhë, ngjyrat ju dalin mirë e shndritshëm. Të dyja variantet funksionojnë më mirë në tekstile natyrale, si p.sh. pambuku.

2. Printoni dizajnin

Artikujt e lidhur
A printout on a printer tray of an iron-on transfer of a polar bear, different print applications, smartphone, cloth bag, t-shirt and party glasses.

PRINTIME KRIJUESE

Çlironi krijimtarinë me printime

Mësoni si të përdorni letrën, aplikacionet dhe një printer të "Canon" për ta transformuar shtëpinë dhe për të personalizuar gjithçka nga telefoni deri te frigoriferi.

12-otmm-d96c300bba32e96612a9c59d2860579ff950ba8b-img-file

PRINTIM KRIJUES

Printoni motive qëndisjeje

Krijimi i veshjeve emocionuese ose i artit mural është i thjeshtë përmes motiveve të printuara me qëndisje.

A Canon printer prints a sheet of paper with three heart designs on it. Around it are coloured pencils, a pack of transfer paper and a white t-shirt with a heart transfer on it.

VËMENDJE KRIJUESE

Visheni zemrën mbi mëngë

Bashkojuni diskutimit për shëndetin mendor me këto dizajne elegante dhe frymëzuese.

A woman sits at a table holding a smartphone next to a Canon PIXMA TS5350 printer.
Printoni drejtpërdrejt nga kompjuteri, celulari apo tableta.

Printojeni dizajnin në letrën e stampimit. Mund të printoni nga kompjuteri apo edhe drejtpërdrejt nga celulari apo tableta duke përdorur aplikacionin "Creative Park". Është e lehtë të printoni sa herë që ju vjen frymëzimi!

3. Priteni dizajnin

A woman uses a pair of scissors to cut around an iron-on transfer design.
Mund ose të lini një bordurë rreth dizajnit, ose ta prisni fiks përgjatë konturit.

Pjesët "e paprintuara" të stampës do të shfaqen po ashtu në dizajnin përfundimtar, ndaj me anë të një palë gërshërësh të mprehta, ose prisni me kujdes anash figurës në letrën e stampimit për të krijuar një kornizë të lezetshme, ose prisni me kujdes përgjatë pjesës së printuar, duke ndjekur sa më pranë që të mundeni konturin e jashtëm të figurës.

4. Shqiteni dhe pozicionojeni

A woman stands at an ironing board and peels the backing off an iron-on transfer. A dark t-shirt is on the ironing board.
Përdorni ca pineska për të shënuar pikën e zgjedhur, por mos fiksoni dizajnin në bluzë.

Shqiteni fletën e pasme të letrës së stampimi dhe pozicionojeni dizajnin mbi tekstilin tuaj. Nëse e vendosni printimin në bluzë, duhet të keni parasysh ta provoni një herë dhe të përdorni një pasqyrë (apo një person për ndihmë) për të gjetur pikën më të përshtatshme për dizajnin. Nëse përdorni disa dizajne të vogla dhe nuk dëshironi strukturë të njëtrajtshme, provoni të hidhni zare apo ca monedha në tekstil për të zgjedhur pika të rastësishme.

5. Hekuroseni

A woman irons an iron-on transfer onto a dark t-shirt.
Pakoja e Dark Fabric Iron-on Transfers vjen me dy fletë kalku për mbrojtjen e letrës së stampimit kur hekurosni mbi dizajn.

Vendoseni tekstilin në një tryezë hekurosjeje me stampat në pozicionet e zgjedhura dhe hiqni kunjat e mundshme orientuese. Pastaj gjeni fletën kalk që vjen me stampat për hekurosje dhe shtrojeni mbi dizajn. Tani është dhe pjesa emocionuese – stampimi konkret i dizajnit në tekstil. Thjesht hekurosni mbi letrën kalk duke ushtruar trysni të njëtrajtshëm në mënyrë që dizajni në letrën e stampës të lidhet me tekstilin. Pasi të lidhet me tekstilin, dizajnet mund t'i lani në makinë larëse, kështu që rrobat mund t'i vishni sa herë të dëshironi.

6. Ideoni projektin tuaj të radhës

A man wears a dark t-shirt customised with an iron-on transfer of a family of penguins.
Tani që e patë sa e lehtë është mund të filloni të ideoni projektin tuaj të radhës…

Pasi të keni krijuar artikullin e parë të personalizuar, do të filloni të shikoni shumë mundësi për të modernizuar gardërobën apo për t'u dhënë një modifikim interesant aksesorëve tuaj. Përse të mos blini ca letër tjetër – mundësitë janë të pafundme!

* Pajtueshmëria e "Light Fabric Iron-on Transfers LF-101": PRO-100/PRO-100S, seria TS (përveç serive TS31xx/TS20x), seria TR (përveç serisë TR45xx), seritë MG77xx/MG75xx/MG68xx/MG67xx/MG57xx/MG56xx/MG36xx, seria iX68xx

Pajtueshmëria e "Dark Fabric Iron-on Transfers DF-101": PRO-100/PRO-100S, seria TS (përveç serive TS31xx/TS20x), seria TR (përveç serisë TR45xx), seria G (përveç serive GM40xx/GM20xx), seritë MG77xx/MG75xx/MG67xx, seritë iP87xx/iX68xx


Shkruar nga Angela Nicholson

Produktet e lidhura

Produktet e lidhura

Produktet e lidhura

Artikuj të ngjashëm

"Get Inspired" është burimi juaj kryesor i këshillave të dobishme të fotografisë, udhëzuesve të blerësit dhe intervistave inteligjente - gjithçka që ju nevojitet për të gjetur kamerën më të mirë ose printerin më të mirë dhe të krijoni ide të ardhshme krijuese.

Kthehu tek të gjitha këshillat e teknikat