TEKNIKA TË FOTOGRAFISË SË NATËS

Si të fotografoni superhënën: 8 këshilla për fotografi të hënës që ju lënë pa mend

Përdorni këto teknika nga ekspertët për fotografimin e hënës dhe zbuloni si të nxirrni foto të njërës prej pamjeve më mahnitëse në qiellin e natës.
Canon Camera
Hëna vijon të jetë një subjekt tërheqësh për fotografët anembanë botës, sidomos atyre çasteve të rralla kur shfaqet si superhënë apo dhe si hënë e kuqe. Por, mund të jetë e vështirë t'ia nxjerrësh mirë fotot. Shkrepja e një subjekti të shndritshëm që është shumë larg mund të jetë e vështirë në ndriçim të ulët, ashtu si dhe inkuadrimi dhe fokusimi në gjatësi të mëdha fokale. Por me kompletin e duhur të fotografisë dhe cilësimet e duhura të ekspozimit, mund të shkrepni foto më se të detajuara hënore dhe peizazhe atmosferike të hënës. Këtu ju tregojmë se si.

1. Këshillat e fotografimit të hënës – hidhini një sy kalendarit

Hëna në një natë të kthjellët me degë pemësh në plan të parë.

Lëvizjet e hënës mund të jenë si orë, por moti është i paparashikueshëm. Një natë e kthjellët është optimale për fotografinë hënore, ndaj kontrolloni parashikimin e motit përpara se të dilni jashtë. Shkrepur në Canon EOS RP me objektiv Canon RF 100-500mm F4.5-7.1 L IS USM në 400mm, 30 sek, f/11 dhe ISO 100.

Një hënë e plotë duke u ngritur lart mbi një horizont pemësh.

Ndërmjet 2021 dhe 2025 do të ketë katër superhëna në vit, ndaj ka shumë shanse për ta shkrepur këtë dukuri mahnitëse. Hëna e kuqe do të haset në maj të 2021 dhe 2022, nëntor 2022, mars dhe shtator 2025 dhe mars 2026, disa prej të cilave do të kenë nevojë për udhëtim që të mund të shihen. Shkrepur në Canon EOS RP me objektiv Canon RF 100-500mm F4.5-7.1 L IS USM + Extender RF 1.4x në 700mm, 2 sek, f/10 dhe ISO 1000.

Në çaste të caktuara gjatë orbitës 27.322-ditore të hënës, ajo ndodhet më pranë Tokës. Kur kjo koincidon me hënën e plotë – koha gjatë muajit kur dielli, hëna dhe Toka janë të tre në një vijë – ne shohim një hënë të plotë të zmadhuar ose superhënën. Hëna e kuqe është edhe më e rrallë. Kjo ndodh kur superhëna e zakonshme koincidon me eklipsin e plotë të hënës. Kjo do të thotë se toka pengon plotësisht mbërritjen e dritës së drejtpërdrejtë të diellit në hënë dhe mbetet vetëm drita e refraktuar nga atmosfera e Tokës, duke e bërë hënë të duket në të kuqe të zbehtë.

2. Planifikoni që përpara

Një EOS RP në një stativ me një objektiv telefoto, konfiguruar për të fotografuar hënën që ngrihet mbi horizontin e pemëve përreth një liqeni.

Qoftë nëse synoni të shkrepni një hënë të shndritshme të plotë lart në qiell apo një grimë hëne të ngrënë, mund t'i planifikoni datat sipas ciklit hënor për të marrë pikërisht çfarë kërkoni.

Hëna e fotografuar përmes pemëve, drita e pasqyruar ndriçon me breza në liqenin në sfond.

Planifikimi ju ndihmon ta zgjidhni kompozimin paraprakisht, qoftë nëse e doni hënën lart mbi një kala atypari apo të pasqyruar mbi liqen. Shkrepur në Canon EOS RP me objektiv Canon RF 100-500mm F4.5-7.1 L IS USM në 300mm, 1/40 sek, f/6.3 dhe ISO 500.

Fotografimi i hënës nuk është vetëm një provë argëtuese për aftësitë tuaja me kamerën, por dhe një mënyrë mahnitëse për të njohur lëvizjet e Tokës dhe të satelitit të saj. Ne mund ta gjejmë me saktësi se kur do të ngrihet hënë, ku do të bëjë harkun në qiell dhe ku do të perëndojë, çdo natë për vite me radhë. Ka disa aplikacionet të dobishme për celularë që mund t'ju ndihmojnë t'i planifikoni me precizion këndet dhe mund të gjurmoni edhe fazat e hënës në internet. Si udhëzues i përgjithshëm, hëna e plotë del drejtpërdrejt përbri diellit që perëndon.

3. Cilësimet e fotografisë së hënës

Një person duke rregulluar ekranin këndndryshueshëm të Canon EOS RP teksa fotografojnë hënën.

Shkrepja e një subjekti të tillë të shndritshëm të rrethuar nga errësira mund të sjellë probleme ekspozimi, ndaj përpiquni ta konfiguroni manualisht ekspozimin.

Ekrani i një Canon EOS RP që tregon cilësimet e kulminimit.

Nëse keni vështirësi me fiksimin e hënës, provoni fokusin manual. Përdorni Live View dhe aktivizoni kulminimin e fokusit për t'u siguruar që detajet të jenë të qarta.

Modalitetet e vetekspozimit mund të mos funksionojnë me koherencë kur shkrepni hënën, ndaj është më mirë të përdorni ekspozimin manual. Në thelb intensiteti i dritës së diellit që godet hënën mbetet i njëjtë, ndaj ka një rregull të thjeshtë ekspozimi që mund ta përdorim si udhëzues – rregulli "looney 11". Caktojeni aperturën në f/11 dhe përputhni shpejtësinë e shkrehësit me të anasjelltën e ISO-s, pra në ISO 100 përdorim 1/100 sek, në ISO 200 është 1/200 sek e kështu me radhë. Kjo nuk është shkruar në gur ama - mund ta ndryshoni shpejtësinë e shkrehjes dhe të aperturës rreth këtyre vlerave derisa fotoja të duket saktë.

4. Çfarë objektivi për fotografimin e hënës?

Një fotograf duke rregulluar kamerën e tij EOS RP me një objektiv RF 100-500mm F4.5-7.1 L IS USM në një stativ.

Një objektiv zmadhues si Canon RF 100-500mm F4.5-7.1 L IS USM ju jep shumë opsione për peizazhe më të gjera të hënës, si dhe plane të afërta të detajuara.

Një peizazh nën hënë mbi një autostradë me gjurmë trafiku të shkaktuara nga ekspozimi i gjatë.

Elementet e planit të parë mund të jenë gjithashtu një mënyrë për të shkrepur një tjetër burim drite, si p.sh. kjo pozë me gjurmë trafiku të shkaktuara nga ekspozimi i gjatë, që është një mënyrë e mirë për t'u shtuar kontrast fotove tuaja. Shkrepur në Canon EOS RP me objektiv Canon RF 100-500mm F4.5-7.1 L IS USM në 100mm, 8 sek, f/10 dhe ISO 250.

Një objektiv i gjatë është optimal për fotot e hënës me plane të afërta, por objektivi i shtrenjtë dhe i shpejtë nuk është thelbësor, pasi hëna është aq e shndritshme sa nuk ju duhen aperturat më të gjera të objektivave më rrezegjatë. Edhe zmadhuesit standardë si Canon RF 24-105mm F4-7.1 IS STM mund të funksionojnë – mund të mos ju lejojnë të mbushni kuadrin, por mund ta bëni gjithnjë më vonë prerjen në atë zonë. Këtu e tregojnë vlerën e tyre dhe kamerat me rezolucion të lartë si p.sh. 26.2MP Canon EOS RP.

5. Zgjasni rrezen

Një fotograf rregullon objektivin e tij Canon RF 800mm F11 IS STM në një kamerë EOS RP mbi një stativ.

Me objektiva unikë si Canon RF 800mm F11 IS STM, nuk ju duhet të lini qimet e kokës për të shkrepur foto të mirëdetajuara hënore.

Një plan i afërt i një hëne thuajse të plotë në një natë të kthjellët.

Këtu kemi kombinuar objektivin Canon RF 800mm F11 IS STM me telekonvertues 2x, që jep një rreze mahnitëse prej 1600mm për foto tejet të detajuara të hënës. Shkrepur në EOS RP me objektiv Canon RF 800mm F11 IS STM + Extender RF 2x në 1600mm, 1/50 sek, f/22 dhe ISO 100.

6. Masni kohën e çastit të duhur

Një hënë e plotë e verdhë dhe e shndritshme që kulminon përmes pemëve.

Nëse doni t'i inkuadroni objektet përkundër hënës me një objektiv të gjatë, do t'ju duhet të jeni gjysmë miljeje a më shumë larg tyre për t'i përkuar me proporcionet. Shkrepur në Canon EOS RP me objektiv Canon RF 100-500mm F4.5-7.1 L IS USM në 500mm, 0.5 sek, f/8 dhe ISO 100.

Një siluetë avioni teksa fluturon përpara hënës së plotë.

Gjetja e kohës së saktë të fotografimit sjell shkrepjen e pozave të arrira si p.sh. avionin që kalon përpara hënës. Shkrepur në Canon EOS R5 me objektiv Canon RF 800mm F11 IS STM në 1/1000 sek, f/11 dhe ISO 1600. © Tibor Szövetes

Superhëna është mbase më mbresëlënëse kur shfaqet fillimisht në horizont. Drita duhet të udhëtojë anash përmes atmosferës së Tokës tek ju, ndaj hëna merr një cilësi të kuqe të ngrohtë. Është edhe momenti kur hëna duket më e madhe, ndonëse është thjesht iluzion – madhësia qëndron njësoj gjatë gjithë natës, por harkimi i atmosferës vepron si lupë.

7. Fotografojeni hënën me planin e parë

Një kamerë Canon EOS RP e konfiguruar në një stativ për të fotografuar hënën mbi një liqen. Një dërrasë e vjetër zhytjeje ngrihet lart mbi ujë.

Përfshirja e detajeve të sfondit në fotografinë tuaj të hënës mund të ndihmojë me inkuadrimin e hënës, duke e bërë më interesante foton.

Hëna duke pasqyruar mbi një liqen. Një dërrasë e vjetër zhytjeje ngrihet lart mbi ujë.

Duke përdorur një stativ dhe duke ngadalësuar shpejtësinë e shkrehjes në një sekondë a më shumë, mund të shkrepni peizazhe të hënës dhe peizazhe të qiellit që duken sikur janë shkrepur ditën. Shkrepur në Canon EOS RP me objektiv Canon RF 24-105mm F4-7.1 IS STM në 46mm, 2.5 sek, f/5.6 dhe ISO 800.

Ne mund të bëhemi krijues me kompozimet tona hënore duke përfshirë detaje që të tërheqin shikimin në horizont. Duhet të jeni në pozicion ama dhe të veproni shpesh - për punë minutash hëna e kalon horizontin dhe ndjek harkun e saj për lart në qiell.

8. Harrojeni hënën e plotë

Një plan i afërt i hënës tregon dhe atributet, dhe detajet e sipërfaqes së saj.

Një hënë gungaçe verdhoshe apo si dyllë (kur është rreth tre të katërtat plot) është kohë ideale për të shkrepur detajet e sipërfaqes. Shkrepur në Canon EOS RP me objektiv Canon RF 800mm F11 IS STM + Extender RF 2x në 1600mm, 1/50 sek, f/22 dhe ISO 100.

Ndërsa vetë hëna e plotë është magjepsëse, mund të mos jetë dhe në çastin më të mirë për të nxjerrë foto nëse jeni të interesuar në shkrepjen e karakteristikave të sipërfaqes së saj, si p.sh. krateret. Ashtu si blici i kamerës që shndrit një fytyrë, drita ballore e diellit gjatë hënës së plotë eliminon shumë prej hijeve. Në raste të tjera të muajit drita e diellit është disi më anash, çka krijon ndriçimet dhe hijet e nevojshme për të paraqitur konturet dhe detajet e peizazhit hënor.

Ngrijeni në nivel tjetër fotografimin e hënës me këshilla dhe frymëzim të mëtejshëm nga fotografi profesionist, Andrew Fusek Peters*.

* Ofrohet vetëm në gjuhë të zgjedhura.


Shkruar nga Phil Hall

Produktet e lidhura

Artikujt e lidhur

  • Si të shkrepni qiellin plot yje të natës

    FOTOGRAFIA E TERRENIT

    Si të shkrepni qiellin plot yje të natës

    Zbuloni këto këshilla kryesore për shkrepjen e qiellit me yje.

  • Gjurmë dritash makinash në ndriçimin e mbrëmjes përgjatë një ure të harkuar. Mjegulla e trashë, si re errëson bazamentet e urës dhe tokën poshtë saj.

    FOTOGRAFI PEIZAZHI

    Krijimi i gjurmëve të dritave

    Si të përdorni ekspozimet e gjata për të krijuar gjurmë drite: këshilla nga fituesi i Canon Redline Challenge.

  • FOTOGRAFI PEIZAZHI

    Ndjekja e aurorës boreale

    Bashkojuni Markus Morawetz-it dhe familjes së tij në një udhëtim 9,000km me Canon EOS R.

  • Get creative in your garden: three techniques to master

    FOTOGRAFIA E KOPSHTEVE

    Bëhuni krijues në kopshtin e shtëpisë: tri teknika që mund të zotëroni

    Projekte argëtuese për t'i provuar në shtëpi, nga veshja me dritë deri te shkrepja e yjeve.