Printoni motivet tuaja të qëndisjes

Qëndisja është bërë gjithnjë e më popullore në vitet e fundit, teksa kërkojmë për hobi për të qetësuar mendjet e për të hequr sytë larg ekraneve televizive dhe kompjuterike. Por a e dinit se mund të përdorni printerin për të krijuar modelet tuaja të qëndisjes?

Me një printer PIXMA mund ta hartoni thjesht motivin tuaj dhe ta transferoni në tekstile. Zbuloni si të dekoroni një bluzë të thjeshtë ose të krijoni një pjesë me porosi arti mural me këtë udhëzues hap pas hapi.

• Printer Canon, si p.sh. PIXMA TS5350 Series
• Letër stampimi me hekurosje për tekstile të çelëta¹ ose të errëta², ose Matte Photo Paper
• Skica e motivit të qëndisjes sipas zgjedhjes suaj
• Tekstili i zgjedhjes suaj (materiali duhet të jetë së paku 50% pambuk dhe për larje në lavatriçe në 30°C)
• Gërshërë
• Tryezë hekurosjeje dhe hekur
• Gjilpërë dhe pe
• Gjergjef

Mund ta keni tanimë në mendje një model për qëndisjen tuaj. Për këtë projekt, qëndistarja jonë Rosie nga The Embroidery Barn zgjodhi dizajne. I pari ishte një motiv bimësh për t'i dhënë jetë të re një bluze të bardhë. I dyti, një palë duar në formën e një zemre, të cilat planifikoi t'i qepte mbi tekstile të bardha për të krijuar një varëse frymëzuese muri.

Rosie e krijoi dizajnin vetë, por nëse nuk keni ndojë ide, do të do të gjeni frymëzim të bollshëm në Creative Park ose në aplikacionin Creative Park³. Të dy faqet kanë dizajne dhe motive nga një sërë artistësh dhe ilustruesishs - shikoni Cactus Party ose Peaceful Parakeets!

Pasi të keni zgjedhur dizajnin e qëndisjes, është koha të printoni motivin. Aplikacioni falas Canon PRINT, që pajtohet me shumicën e printerëve të Canon që mbështesin Wi-Fi, duke përfshirë Canon PIXMA TS5350 Series, ju mundëson ta komandoni printerin drejtpërdrejt nga smartfoni dhe madje edhe të lidheni me renë kompjuterike.

Nëse tekstili juaj është mjaftueshëm i hollë, mund ta printoni modelin e qëndisjes në letër të zakonshme, si p.sh. Matte Photo Paper dhe ta vizatoni skicën drejt e mbi tekstil. Thjesht ngjiteni motivin në një dritare, mbulojeni me tekstil dhe vizatoni me lapëstil ose stilolaps.

Rosie ka përdorur letrën e stampimit me hekur për tekstile të çelëta, gjë që e bën procesin pak më të thjeshtë. Ofrohet në madhësi A4, që të mund të krijoni dizajne të mëdha ose të vendosni disa motive të vogla në të njëjtën fletë (duke përdorur aplikacionin Canon Easy-PhotoPrint Editor për të ndihmuar me strukturimin) për të shmangur humbjet.

Para se ta stamponi motivin në tekstil, priteni dizajnin me një palë gërshërë të mprehta. Mund ose ta prisni sa më afër skajeve të jetë e mundur, ose të lini një kornizë të hollë përreth motiveve. Poziciononi dizajnin në tekstil - nëse jeni duke stampuar në bluzë, ia vlen ta provoni përpara për t'u siguruar që gjithçka është në vendin e duhur. Kur jeni të kënaqur me pozicionimin, kthejeni letrën nga ana tjetër që dizajni të jetë me drejtim nga tekstili.

Vendoseni pëlhurën dhe dizajnin tuaj në një tryezë hekurosjeje. Vendosni hekurin në rreth 170°C (ekuivalent me cilësimin për pambukun në shumicën e hekurave) dhe lëvizeni ngadalë hekurin nëpër tekstil, duke ushtruar presion të njëtrajtshëm gjatë punës. Përdorni lëvizje rrethore për t'u siguruar që imazhi të çlirohet nga letra dhe të kalojë në tekstil. Kur të jeni të sigurt se motivi ka ngjitur, përdorni njërën dorë për të shtypur tekstilin dhe për ta mbajtur në vend dhe dorën tjetër për të hequr me kujdes letrën e pasme.

Tani modeli juaj është në vend, dhe është koha për pak argëtim! Këtu mund ta lini krijimtarinë tuaj të lirë. Mund të vendosni të qëndisni mbi të gjithë motivin ose të merrni një rrugë më minimale. Rosie ka përdorur tegelat bazë për të shtuar ngjyrë te vazot e bimëve dhe për të nxjerrë në pah gjethet në dizajnin e saj të bluzës. Për ta bërë motivin e dorës të dalë më në pah, ajo ka përdorur një të errët për të qëndisut rreth konturit.

Kur jeni të kënaqur me qëndisjen, është koha të tregoni aftësitë tuaja në punëdore. Bluza mund të jetë një dhuratë të bukur e personalizuar dhe gjergjefi i drunjtë është një kornizë e gatshme, kështu që arti juaj me porosi mund dhe të varet diku në çast si shenjë e mjeshtërisë suaj.

Për më shumë frymëzim për punëdore, na ndiqni në Pinterest. Dhe mos harroni t'i ndani krijimet tuaja në rrjetet sociale duke përdorur etiketën #MadeWithPIXMA.

Shkruar nga Andrea Ball