PARIMET BAZË TË FOTOGRAFISË

Një perspektivë e re mbi skenat familjare

Që nga përqafimi i natyrës deri te shfrytëzimi i ndriçimit natyral, tre fotografë ndajnë këshillat e tyre se si t’i ktheni çastet e përditshme në foto të paharrueshme.
Fotografja Camilla Rutherford buzëqesh për kamerën, me valët që ndjekin njëra-tjetrën në bregun pas saj.

Është e lehtë ta marrësh si të mirëqenë zonën ku jeton dhe shpesh e bëjmë gabimin të mendojmë se duhet të udhëtosh me qindra kilometra për të krijuar foto interesante. Por, ambientimi me shikimin e skenave familjare nga një perspektivë e re, mund të jetë një mënyrë për të injektuar freski në fotot tuaja. Ne pyetëm tre fotografë nga vende të ndryshme të botës se si u duken perspektivat e reja që frymëzojnë si ata ashtu edhe audiencën e tyre. Këto janë disa prej këshillave tyre më të mira për krijimin e fotove frymëzuese kur shkrepni më pranë shtëpisë.

1. Jini krijues kur dokumentoni relievet dramatike urbane

Thames Barrier e Londrës në muzg, me dritat shumëngjyrëshe të Canary Wharf që duken në sfond.

Qoftë nëse jetoni një një qytet që buçet apo në ndonjë zonë të qetë rurale, mund të shkrepni poza mahnitëse nëse eksperimentoni me kompozimin dhe cilësimet e kamerës. Kjo foto është shkrepur duke përdorur ekspozim të gjatë.

Fotografja londineze, Laku Davies, shkrep aventurat në qytetin e saj e më tej. Vazhdimisht peizazhet urbane dhe fotografia e rrugës zë vend në objektivin e Laku-t. Dy prej fotove të saj të preferuara ndërthurin pamjet emblematike të Londrës me një dell artistik.

"Kisha shkuar në Thames Barrier për perëndimin e diellit dhe pashë Canary Wharf të ndezur tej në sfond," - thotë Laku, e cila përdori kamerën Canon EOS M50 me një Canon Mount Adapter EF-EOS M dhe objektivin telefoto Canon EF 70-300mm f/4-5.6 IS USM (tani të tejkaluar nga Canon EF 70-300mm f/4-5.6 IS II USM) për të shkrepur pamjen mbresëlënëse.

"Përdora konkretisht këtë objektiv për shkak të kompresimit që të jep telefotoja,” - shpjegon ajo. "Ka prirjen të sjellë më pranë sfondin, ndaj e dija që do të dilte një pamje fantastike e Canary Wharf mes pendëve të lumit." Në thelb, objektivi telefoto kompreson perspektivën për ta bërë sfondin dhe planin e parë të duken më pranë njëri-tjetrit se ç’janë në të vërtetë.

Një ekspozim i gjatë dhe një filtër ND e theksuan edhe më tej skenën, duke dhënë një efekt vibrant, por edhe surreal. "Një ekspozim 30-sekondësh mund t’i përforcojë pjesët e shndritshme, ndaj përdora një filtër ND përpara objektivit, çka ndihmon me kapjen e saktë të pjesëve të shndritshme që të mos më dalin shumë të mbiekspozuara kur të kaloj në editim,” - thotë Laku.

Një portret i fotografes së stilit të jetesës dhe udhëtimeve, Laku Davies.

Laku Davies

Fotografes londineze të stilit të jetesës dhe të udhëtimeve i pëlqen të shkrepë peizazhe urbane me një dell artistik.

2. Shkrepini atraksionet nga një perspektivë unike

Një autobus dykatësh kalon Tower Bridge në Londër, Britani, në lindjen e diellit. Qielli është ngjyrë portokalli në sfond.

Laku rekomandon vizitimin e vendeve në orë të ndryshme të ditës për të nxjerrë pozën ideale. Ajo e shkrepi këtë foto të një autobusi dykatësh duke kaluar Tower Bridge në 5:30 të mëngjesit.

Një pozë natën e The Shard në Londër përmbi Southwark, me ndërtesat të ndriçuara nga dritat. London Millennium Footbridge mund të dallohet në plan të parë.

Fotografia e rrugës dhe e peizazheve urbane, si p.sh. kjo pozë e pabesueshme e The Shard në Londër, dominojnë në punimet e Laku-t. Objektivat këndgjerë përdoren shpesh për peizazhet e qytetit, por përdorimi i një objektivi telefoto i mundësoi Laku-t të shkrepte një vendndodhje familjare në një mënyrë të pazakonte dhe unike.

Kur vjen puna për atraksione të tjera të mirënjohura dhe që fotografohen rregullisht si Tower Bridge e Londrës, Laku rekomandon të kërkoni perspektiva të tjera, çka do të thotë të dilni që më parë me kamerë. Në një rast të tillë, ajo vendoni të fillonte që në 5:30 të mëngjesit dhe të fokusohej në një pjesë të arkitekturës së urës të famshme.

"Përdora objektivin tim telefoto për të izoluar kullën e për të marrë vezullimin e diellit që lindte nga pas për të dhënë një efekt breroreje,” - thotë ajo. "Qielli ngjyrë portokalli praktikisht e bëri foton atë që është – dhe autobusi i Londrës!”

Këshilla e saj për ata që kërkojnë për frymëzim gjatë eksplorimit të mjedisit vendas përreth është të vizitoni pikat tuaja të preferuara në orë të ndryshme të ditës për t’i bërë gjërat interesante.

"Sfidoni veten në pjesë të ndryshme të ditës për të parë se çfarë ndriçimi ka,” - thotë Laku. "Provoni të përdorni objektiva të ndryshëm, përndryshe do të përfundoni duke nxjerrë të njëjtën foto çdo herë. Bëjini gjërat interesante për veten dhe ata që jua shikojnë fotot." Një objektiv Canon EF-M 32mm f/1.4 STM është opsion i mirë në ndriçim të ulët, pasi është shumë i shpejtë, duke lejuar hyrjen e më shumë drite. Nëse doni të kaloni për më gjerë për të kapur sa më shumë nga skena, do t’ia vlente një objektiv Canon EF-M 11-22mm f/4-5.6 IS STM.

3. Gjeni ndriçimin më të mirë

Një figurë qëndron si siluetë përkundër një lindje dramatike diellore në ngjyrë portokalli.

Pierre Dubuis e riviziton herë pas here të njëjtin park, duke parë një kënd të ri për fotografinë e tij.

Shëtitja në parkun natyror rajonal të Pilatit në rajonin Rhône-Alpes të Francës juglindore u ka sjellë një tjetër dimension fotove të Pierre Dubuis. Fotografi i ri, që shkrep me një Canon EOS 5D Mark III (tani i tejkaluar nga Canon EOS 5D Mark IV), ka shkrepur foto që në moshën 15-vjeçare, por ishte gjatë studimeve të tij në fotografi që u apasionua edhe pas aventurës në natyrë. Ai ua jep meritat shokëve që i ndezën pasionin për natyrën dhe thotë se rizbulimi i zonave vendase të forcon krijimtarinë, gjë që duket dhe nga fotot e tij të preferuara, që janë shkrepur të gjitha në të njëjtin park.

"Për të zbuluar vende të bukura më e mira është të dalësh për eksplorim pasi ka gjasa të gjesh më shumë vende se ç’prisje," - këshillon ai. "Unë hedh një sy në Instagram për frymëzim. Vizitojini vendet në orë të ndryshme dhe provoni kënde të ndryshme për të kapur atmosferën që dëshironi.”

Për të krijuar atmosferë në foto, Pierre rekomandon të dalësh sa më herët në mëngjes ose edhe në mbrëmje. "Oraret kur shikon dritë të bukur janë herët në mëngjes dhe në lindje e perëndim,” - thotë ai. "Silueta mjedisore (sipër) është shkrepur në perëndim të dielli. Për të krijuar këtë lloj fotoje është më mirë të informohesh për kushtet e motit paraprakisht dhe të mbërrish 30 minuta më herët për t’i dhënë vetes kohë të gjesh vendin dhe të përfytyrosh inkuadrimet e ndryshme që mund të zgjedhësh. Për këtë foto vendosa ta nënekspozoj duke rritur shpejtësinë e shkrehësit dhe duke shkrepur me aperturë të lartë prej f/22. Këtë e bëra për të pasur një siluetë të mirëpërcaktuar të errët – për t’i dhënë një frymë pak më të errët."

Një portret i Pierre Dubuis.

Pierre Dubuis

Fotografit 21-vjeçar të natyrës i pëlqen të shkrepë në ndriçim natyral në lindje dhe perëndim.

4. Kushtojuni vëmendje detajeve

Një plan nga afër i një gjetheje fieri përkundër një sfondi të errët.

Një tjetër mënyrë e arrirë për nxjerrë foto interesante pa udhëtuar shumë larg është të fokusoheni në detajet që mund të mos duken që me të parën. Pierre-it i pëlqen ta shohë natyrën më nga afër.

Gjethet e një peme ndriçohen nga dielli.

Kjo pamje e gjetheve të pemës të ndriçuara nga dielli në perëndim është shkrepur pranë ujëvarës Saut du Gier.

"Duhet të vrojtoni gjithçka që ndodh përreth jush deri në detajin më të vogël," - thotë Pierre, duke iu referuar fotos tjetër të tij të preferuar – një paraqitje delikate e një gjetheje fieri. ISO 3200 dhe apertura f/4.5 e ndihmuar të sjellë në jetë thellësitë e pyllit. Duke e hapur edhe më objektivin e tij Canon EF 70-200mm f/2.8L USM ai arriti të reduktonte thellësinë e qartësisë dhe të fokusonte vëmendjen në zonën qendrore të fierit dhe relievin e tij të mrekullueshëm. ISO e lartë nevojitej për shkak të mungesës së ndriçimit në pyll.

"Kur e shkrepa këtë foto kisha dalë për një xhiro të shkurtër mes pemëve," - shpjegon Pierre. "Desha të heq ca mendjen dhe pashë gjethet fierit të ndriçuara nga një rreze drite. Më pëlqen kjo foto pasi përfaqëson bukurinë dhe brishtësinë e natyrës.”

5. Gjeni të jashtëzakonshmen çdo ditë

Dy djem të vegjël luajnë në një gropë me rërë përpara një pirgu me drunj, të mbuluar nga pluhuri.

Kushtet e ndriçimit ndryshojnë natyrshëm gjatë ditës. Zgjedhja e kohës së duhur për të fotografuar mund të bëjë diferencën mes një fotoje të jashtëzakonshme – si kjo pozë atmosferike e fëmijëve të Camilla-s – dhe një të zakonshmeje.

Fotografja profesioniste e nderuar me çmime, Camilla Rutherford, vjen nga Skocia por nisi të gjurmonte sezonet e skive në Zelandë të Re. E tërhequr nga fotografimi i historive të sportistëve në natyrë, ajo tani jeton në qytetin piktoresk të Vanakës me të shoqin e saj, fermer delesh të racës Merino, dhe dy djemtë e tyre.

Stili prej reportazhi i Camilla-s i vë theks të fortë ndriçimit natyral, gjë që duket dhe në këtë foto me ndriçim të pasmë të dy djemve të saj që luajnë në një gropë me rërë, të shkrepur me Canon EOS R me EOS R Adapter dhe objektiv Canon EF 24-70mm f/2.8L II USM.

"Ajo që më pëlqen nga fotoja është shprehja e të voglit tim,” - thotë ajo. "Po ia kalon më së miri. Është gëzimi parak i lojës së pandërprerë që e bën këtë foto atë që është.

"Kur shkrep fëmijët që luajnë, ndonjëherë nuk ke kohë të kalosh te fiksi," - thotë ajo. "Canon EF 24-70mm f/2.8L II USM ka gjatësi ideale zmadhimi për qëllime të tilla dhe cilësia e figurës vjen më pranë asaj që mund të arrish me fiksët."

Shkrepja në diell mund të jetë sfiduese po aq sa argëtuese, thotë Camilla, por kamerat pa pasqyrë si Canon EOS RP ofrojnë një avantazh falë inkuadruesit elektronik. "Mund të shohësh se çfarë po bën ekspozimi dhe ta rregullosh për lart ose poshtë me disa nivele në varësi të fuqisë së dritës së pasme," - shpjegon ajo.

Një portret i Camilla Rutherford me syze.

Camilla Rutherford

Camilla, e lindur në Skoci, është një fotoreportere e nderuar me çmime që tanimë jeton në një fermë në Zelandë të Re me familjen e saj. Ajo është e specializuar në fotografinë e sporteve, udhëtimeve dhe të stilit të jetesës.

6. Tregoni një histori duke fotografuar ato që njihni

Një burrë në një punishte duke përdorur një smerilues me kënd dhe i rrethuar nga veglat. Dielli shndrit përmes një çarjeje në murin e pasmë.

Mënyra se si përngjasojnë me njëra-tjetrën shkëndijat nga smeriluesi dhe vezullimi nga drita i shton një tjerë dimension asaj që përndryshe do të kishte qenë një foto më se e zakontë.

Fotoja e Camilla-s e të shoqit të saj në punishten e fermës përfaqëson historinë e pasur të vendit ku jetojnë. Duke përdorur vetëm dritën natyrore dhe një shpejtësi të ulët shkrehjeje, Camilla ju tregon se nuk keni nevojë të shkoni shumë larg për të krijuar një narrativë.

"Djemtë i kemi brezin e pestë në fermë dhe kjo punishte është një hapësirë e pabesueshme që më pëlqen ta fotografoj," - thotë ajo. "Djemve u pëlqen të dalin për të parë të atin që ndreq gjëra. Unë vura re se si dielli dilte nga muri i pasmë në mëngjes, duke krijuar vezullimin e madh në këndin e majtë," - thotë ajo.

"Shkrepa së gjeri me objektivin tim Canon EF 24-70mm f/2.8L II USM pasi po përpiqesha të rrëfeja të gjithë skenën. E rrita ISO deri në 800 për të marrë atë pak dritë shtesë dhe shkrepa në 1/80 sek. Kjo ishte shpejtësi e mirë shkrehjeje për të kapur lëvizjen e rrotës dhe shkëndijat fluturake."

Kështu pra, si të jeni duke ecur mes pemësh, duke shëtitur me terezi në qytet apo duke iu kënaqur komoditet të shtëpisë, eksplorimi lokal nuk ka pse të jetë me foto të parealizuara. Duke u mësuar të stërvitni syrin për të parë shanset për fotografim tek e zakonshmja dhe duke nxjerrë foto që kanë kuptim për ju, keni mundësinë të krijoni foto që janë vërtet të veçanta.


Shkruar nga Lorna Dockerill

Produktet e lidhura

Artikujt e lidhur

  • Dy burra me çanta shpine patinojnë përgjatë një liqeni të ngrirë.

    FOTOGRAFIA E AVENTURËS

    Këshilla për fotografinë e aventurës

    Pesë këshilla për shkrepjen e aventurave tuaja në natyrë me EOS M6 Mark II.

  • FOTOGRAFIA DIMËRORE

    Si të nxirrni fotografi më të mira në dimër

    Shfrytëzojeni më së miri këtë stinë të bukur me fotografin Vladimir Medvedev.

  • Trees reflect in a lake in Scotland with a mountain in the background

    FOTOGRAFI PEIZAZHI

    5 këshilla eksperti për shkrepjen e peizazheve me interval

    Sillini peizazhet në jetë me këto këshilla eksperti për fotografinë me interval.

  • FOTOGRAFIA E NATYRËS

    Fotografia e natyrës urbane

    Christine Sonvilla dhe Marc Graf, zbulojnë këshillat e tyre më të mira për fotografimin e natyrës në pragun e derës suaj.