PRINTIM KRIJUES

Personalizoni aksesorët me ngjitëse të printuara

Shprehni krijimtarinë tuaj dhe personalizoni smartfonin, laptopin e më tej me printerët portativë të Canon.
Një Canon SELPHY Square QX10, Canon Zoemini 2 dhe Canon Zoemini S2 ndodhen të shtrira në tekstil të bardhë, të rrethuar nga pajisje, mes të cilave celularë, kufje dhe një laptop, të gjitha të zbukuruara me ngjitëse fotografike.

Këtyre ditëve ne nuk jemi kurrë larg teknologjisë. Qoftë nëse bëhet fjalë për shfletimin nga smartfoni për të kaluar kohën në një rrugë autobusi, duke punuar në laptop në ndonjë kafene, apo duke kaluar një mëngjes të qetë me emisionin tonë të preferuar në ndonjë tabletë, aksesorët janë bërë pjesë e jona, kështu që ka dhe kuptim që të reflektojnë personalitetin tonë.

Mbase jeni thjesht në universitet dhe dëshironi ta mbani veten të rrethuar nga fotot e shoqërisë nga vendlindja, ose doni ta dekoroni laptopin me mesazhe motivuese që t'ju frymëzojnë sa herë që e hapni. Në vend që të mbeteni me një pajisje gri pa karakter, tabletë të çfarëdoshme, apo të shpenzoni para në kapakë smartfonësh që nuk ju shprehin tamam juve, personalizimi i teknologjisë suaj mund të jetë mundësia ideale për të shprehur individualitetin tuaj. Përdorni ngjyrat e preferuara, kujtimet e udhëtimeve, autoportretet e grupit ose citime frymëzuese. Ju ndihmon gjithashtu që t'i keni pajisjet të dallueshme me lehtësi dhe mund të jetë dhe një akullthyes bisedash.

Gama e printerëve kompaktë të Canon e bën të shpejtë dhe të lehtë printimin nga smartfoni dhe zgjedhja e letrave me shpinë ngjitëse ju mundëson krijimin e ngjitëseve dhe të etiketave të personalizuara në pak sekonda, të cilat mund t'i vendosni menjëherë nëpër pajisje.

Një grua me një pulovër vjollcë mban një smartfon për të bërë autoportret ndërsa një grua me një pulovër blu të errët buzëqesh pranë saj.

Frymëzimi mund të godasë në çdo moment dhe me gamën e printerëve portativë të Canon, mund të shkrepni një autoportret në lëvizje, ta personalizoni në një program printimi nga Canon dhe ta printoni në letër ngjitëse në pak minuta për ta personalizuar në çast teknologjinë tuaj.

1. Zgjidhni një disenjo

Një Canon SELPHY Square QX10 qëndron në një tryezë duke printuar një foto feste. Pranë tij dy duar shtrojnë një ngjitëse mbi një laptop dhe në anën tjetër një smartfon tregon programin SELPHY Print Layout.

Nuk mund të gjeni kapak smartfoni që t'ju përshtatet? Disenjoni me stilin tuaj dhe printojeni menjëherë në një printer portativ Canon pa qenë nevoja të bëni kompromise me stilin apo të prisni sa t'ju vijnë porositë.

Projektimet tuaja mund të ndryshojnë në varësi të asaj që personalizoni. Ka më shumë hapësirë në një laptop se sa në një smartfon, ndaj mendoni nëse dëshironi të zgjidhni një imazh individual - një pozë grupi nga ndonjë festival, një foto të bukur qeni apo ndonjë autoportret të arrirë - apo edhe ndonjë koleksion imazhesh që mund të kthehen në kolazh. Canon SELPHY Square QX10 nxjerr printime katrore me një bordurë të përshtatshme për diçitura, që do të ishte ideale për pajisjet më të mëdha, si p.sh. laptopin apo tabletën. Gama Canon Zoemini ka dy lloje letre ngjitëse, një drejtkëndore dhe një opsion më të vogël rrethor, që do të ishte ideal për personalizimin e kufjeve dhe të smartfonave.

2. Modifikojini fotot

Një grua në një pulovër vjollcë përdor një program printimi Canon për të personalizuar fotot e saj ndërsa një Canon Zoemini S2 ndodhet pranë smartfonit në një tryezë.

Të dy gamat e printerëve portativë vijnë me një program shoqërues që ofron shumë opsione për të qenë krijues me dizajnet tuaja, qoftë me kolazhe apo me kuadratim, duke kapur apo shtuar filtra e korniza. Është mënyra ideale për t'u dhënë këto nota personale përfundimtare përpara printimit dhe ngjitjes.

Pasi të keni në mendje dizajnin, ka shumë mënyra për ta personalizuar më tej. Me programet e fotos dhe të printimit të Canon mund të provoni opsione të ndryshme në telefon përpara se t'i printoni.

Canon SELPHY Square QX10 dhe SELPHY CP1500 janë të pajtueshëm me programin Canon SELPHY Photo Layout, që ju mundëson të eksperimentoni me faqosje dhe finicione. Mund të përdorni gjithashtu shabllonet multifoto të programit për të vendosur disa pamje në një ngjitëse dhe pastaj t'i prisni për të krijuar dizajne më të vogla.

Gama Canon Zoemini është e pajtueshme me programin Canon Mini Print, që ju mundëson të bëheni krijues me filtrat, kornizat, ngjitëset dhe vizatimet, si dhe mjetet e kolazhit e të animacionit.

Canon Zoemini S2 është kamerë si dhe printer çasti. Pasqyra e integruar për autoportrete dhe drita rrethore i kanë bërë fotot tuaja tashmë ideale, por mund të luani ende me to në programin Canon Mini Print.

3. Zgjidhni fotoletrat ngjitëse të Canon dhe printoni

Dy duar mbajnë një fletë të vogël me dy ngjitëse rrethore, duke hequr njërën prej tyre. Pas tyre një Canon Zoemini S2 ndodhet në një tryezë rrethuar nga printime të tjera fotografike.

Mund ta lidhni smartfonin përmes Bluetooth me një printer të gamës Canon Zoemini për t'i printuar menjëherë dizajnet, madje edhe në lëvizje.

Dy duar mbajnë një smartfon që tregon një foto me bordurë të bardhë në ekran, ndërsa një Canon SELPHY Square QX10 ndodhet në një tryezë në sfond.

Canon SELPHY Square QX10 lidhet me telefonin përmes Wi-Fi dhe mund të kërkojë deri në 43 sekonda për printim, që fotot të mund të kalojnë nga profili i rrjeteve sociale në kapakun tuaj portativ në çast.

Në vijim, duhet të vendosni se cilat letra ose ngjitëse mund të përdorni dhe vendosini në printerin tuaj portativ. Gama Canon Zoemini përdor Canon ZINK™ Photo Paper që ofron printime pa bordura dhe me shpinë ngjitëse, që janë rezistente ndaj ujit dhe grisjes, dhe mund të priten në çfarëdo forme apo përmase. Ose pse të mos provoni ngjitëset e gatshme rrethore? Është një mënyrë pa telashe për të printuar miningjitëse, që të mund të shkrepni një autoportret me shoqërinë e ngushtë dhe t'i ruan kujtimet në kapakun e smartfonit në pak sekonda.

Canon SELPHY Square QX10 përdor letër ngjitëse me bordurë me njërën anë më të trashë për diçiturë ku mund të shtoni datën, emrat ose citime frymëzuese. Për më shumë zgjedhje, printeri më i madh Canon SELPHY CP1500 mund të printojë në një sërë përmasash, duke përfshirë ngjitëset e vogla dhe ngjitëset e madhësisë së kartave të kreditit. SELPHY CP1500 lidhet gjithashtu përmes USB nëse dëshironi të printoni nga një pajisje tjetër. Thjesht vendosni letrën dhe i keni printimet në dorë në pak sekonda.

Plus, ZINK™ Photo Paper dhe gama e letrave ngjitëse SELPHY mund të hiqen pa lënë gjurmë, ndaj nëse ju mërzitet ndonjë nga dizajnet, thjesht mund t'ia nisni nga e para.

4. Ngjitini dhe argëtohuni

Një grua me flokë të zinj kaçurrel buzëqesh teksa ngjit fotot e printuara në një Canon SELPHY Square QX10 në kapakun e laptopit të saj.

Personalizimi i laptopit me një foto mund t'ju ndihmojë t'i mbani momentet tuaja të preferuara me vete - qoftë një shkrepje triumfuese nga maja e një mali, një ritakim kaotik i shoqërisë së universitetit apo një autoportret me një të dashurin tuaj. Pasja e një imazhi afër që do t'ju bëjë të buzëqeshni është një mënyrë e mirë për ta mbajtur kujtimin të gjallë.

Një grua me një pulovër vjollcë buzëqesh teksa vë duart mbi një palë kufje në kokë, me ngjitëse rrethore fotografike që shndrisin nga kupat mbi veshë.

Pajisjet tuaja të personalizuara mund të pasqyrojnë stilin tuaj apo edhe një veshje të preferuar. Ato janë një mënyrë për të shprehur se kush jeni dhe për t'u dalluar nga turma.

Tani është radha e shqitjes së fletës së pasme dhe e ngjitjes së printimit nëpër pajisje. Mund të ndihmojë në pastrimin e sipërfaqes së pari për t'u siguruar që të jetë e lëmuar dhe pa mbetje. Hiqni me kujdes pjesën e pasme dhe kryeni lëvizje të ngadaltë. Vizorja mund të jetë praktike këtu për t'ju ndihmuar në shqitje e ngjitje në vija të drejta, duke lëvizur shtruar mbi ngjitëse.

Pasi pajisjet të duken mirë, do të vini re gjëra të tjera që mund të përdoren për një personalizim të vogël. Nëse i keni dhënë celularit një pamje të re, po sikur ta vazhdoni me një stil të ngjashëm me kufjet? Madje mund t'i personalizoni pajisjet posaçërisht për ndonjë festë apo aktivitet - si për shembull për ditëlindje apo për festivale. Bashkërendoni me shoqërinë ose bëni gjënë tuaj. Procesi është i shpejtë dhe i lehtë dhe mundësitë janë të pafundme.

Shkruar nga Kat Halstead dhe Angela Nicholson

Produktet e lidhura

Artikujt e lidhur