FOTOGRAFIA BARDHEZI

Aktuale dhe e pakohë: bëhuni krijues me fotografinë bardhezi

Nga peizazhet dhe portretet deri te dasmat dhe natyra, zbuloni si të shkrepni imazhe mahnitëse bardhezi në çdo skenar me këshillat, teknika dhe sugjerimet e ekspertëve tanë.
Një imazh bardhezi i një balerine në lëvizje në një sallë të madhe e pompoze. Drita e diellit kalon përmes një dere të hapur.

Fotografia e mirë bardhezi ka një cilësi të pakohë që thjesht nuk mund të përcillet në imazhet me ngjyra, ndërsa shton gjithashtu dramaticitetin, emocionin dhe pasionin. Ndaj është gjithë popullore në në portrete dhe fotografinë e dasmës. Por monokromi (imazhet e kompozuara me vetëm një ngjyrë) mund të jenë magjike edhe për nga theksimi i formave, relieveve, toneve dhe detajeve, duke e bërë bardhezi po njësoj të përshtatshme për fotografinë e peizazheve dhe të arkitekturës, aksionit dhe sporteve, si dhe shumëçka tjetër.

Krijimi i fotografisë së arrirë bardhezi mund të ndihet ndonjëherë si sfidë më vete, pasi jemi mësuar ta shikojmë botën me ngjyra. Më poshtë do të gjeni një përmbledhje këshillash nga ekspertë për t'ju ndihmuar ta zotëroni këtë stil fotografie.

Çfarë është fotografia bardhezi?

Një pamje nga afër e një guaska të madhe në portokalli dhe të bardhë me një spirale të detajuar.

Dy shembuj të një imazhi guaske, një me ngjyra, një në bardhezi. Në versionin njëngjyrësh, e gjithë guaska ju tërheq vëmendjen, dhe jo vetëm maja e spirales. Shkrepur në Canon EOS 250D me objektiv Canon EF-S 60mm f/2.8 Macro USM në 1/640 sek, f/5 dhe ISO200.

Një imazh bardhezi në plan të afërt i një guaske të madhe me një spirale të detajuar.

Cili imazh mendoni se funksionon më mirë, me ngjyra apo bardhezi? Kur vjen puna te fotografia, bukuria është shpesh subjektive - nuk është se ka përgjigje të saktë apo të gabuar, dhe eksperimentimi është gjysma e dëfrimit.

Ka dy opsione për krijimin e fotove tuaja bardhezi: mund të shkrepni në ngjyra dhe ta konvertoni imazhin në bardhezi në pasproduksion ose të zgjidhni opsionin Monochrome në menynë Picture Style të kamerës që ju mundëson të shikoni si do të duket imazhi në ekranin LCD të kamerës LCD ose përmes EVF.

Kini parasysh se një skenë që duket mirë me ngjyra mund të mos punojë në bardhezi - dhe anasjelltas. Për shembull, lulet e kuqe bien në sy përkundër një sfondi të gjelbër kur shkrepen me ngjyra. Por nëse e shkrepni të njëjtin subjekt në monokrom do të shikoni se e kuqja dhe e gjelbra kthehen në gradacione të ngjashme të grisë.

Praktika do t'ju ndihmojë të "shikoni" në monokrom, por mund ta përshpejtoni ushtrimin e vetes. Përgjithësisht do të shikoni se imazhet bardhezi do të kërkojnë më shumë kontrast për të njëjtin subjekt në ngjyra. Shkrepeni të njëjtin subjekt dy herë, një herë me ngjyra dhe mandej në bardhezi dhe krahasoni imazhet.

Shkrepja në RAW rekomandohet për fotografinë bardhezi pasi mundëson më shumë rregullime të imazhit kur përdorni programin Digital Photo Professional (DPP) nga Canon se sa mundësohet nga skedarët JPEG. Konfigurimi i kamerës për të ruajtur skedarë RAW ju mundëson dhe ruajtjen e të gjithë informacionit të ngjyrave të imazhit, edhe kur shkrepni në monokrom.

5 këshilla për fotografinë bardhezi

  • Përdorni një aperturë të vogël dhe ISO sa më të ulët të jetë e mundur.
  • Kontrolloni histogramat e kamerës
  • Eksperimentoni me filtrat
  • Shkrepni në RAW dhe shikoni opsionet e kamerës
  • Theksoni kontrastin në fotot tuaja bardhezi

Një imazh bardhezi i një nuseje në një shkallë duke parë për lart e befasuar. Hijet në mur krah saj tregojnë një grup vajzash që përpiqen të kapin secila një një buqetë të hedhur në ajër.

Ngjyra mund të shpërqendrojë nga forma natyrore e një portreti të bukur dhe në fotot e dasmës, ndërsa monokromi i bën një trajtim më estetik subjektit. Mundëson gjithashtu lojë interesante me dritën, siç shihet në këtë foto. Shkrepur në Canon EOS 6D (tejkaluar tani nga Canon EOS 6D Mark II) me objektiv Canon EF 24mm f/1.4L II USM, Canon Speedlite 600EX-RT (tejkaluar tani nga Canon Speedlite 600EX II-RT) dhe Canon Speedlite Transmitter ST-E3-RT me 1/100 sek, f/1.8 dhe ISO3200. © Fabio Mirulla

Një plan i afërt bardhezi i fytyrës së një bebeje. Fokus i veçantë bëhet te qepallat e fëmijës.

Imazhet bardhezi funksionojnë përgjithësisht mirë për portretet; arsyeja që përmendet shpesh është se mungesa e ngjyrave shmang shpërqendrimet dhe e fokuson vëmendjen te subjekti. Thjeshtësia e kësaj fotoje është dhe ajo që e bën më të arrirë. Shkrepur në Canon EOS R me objektiv Canon RF 35mm F1.8 MACRO IS STM në 1/160 sek, f/2.8 dhe ISO200. © Helen Bartlett

Imazhet bardhezi, që preferohen shpesh në fotografinë e dasmave, mund të theksojnë ndjesinë e emocionit dhe të dramaticitetit. Monokromi mund të ketë dhe efektin e fokusimit të interesit në shprehjet e fytyrës, si dhe në theksimin e detajeve dhe të formave të elementeve kyçe, nga detajet e vogla si p.sh. unazat dhe këpucët deri te fustani i nuses si dhe vendndodhja në përgjithësi.

Fotografia bardhezi funksionon shumë mirë me portretet në përgjithësi. Kjo mund të jetë pasi shumë portrete emblematike diku nga shekulli i kaluar janë në monokrom dhe ne jemi të familjarizuar me stilin. Nëse shtoni ndriçim anësor ka efikasitet të veçantë pasi jep një kontrast të fortë mes pjesëve të ndriçuara dhe hijeve.

Fotografia bardhezi e natyrës dhe e kafshëve

Një struc shikon me kërshëri kamerën në këtë plan të afërt në bardhezi.

Kthimi i këtij imazhi në bardhezi përmirëson puplat e fytyrës së këtij struci deri në atë shkallë sa të duken më shumë si gëzof se sa si pupla. Shkrepur në Canon EOS R6 me objektiv Canon RF 600mm F11 IS STM në 1/5000 sek, f/11 dhe ISO1600. © John Dickins

Një imazh bardhezi i një skene pylli dimërak, inkuadruar me rreshta pemës të mbuluara nga dëbora.

Bardhezia mund të krijojë një imazh të fuqishëm nga një subjekt që përndryshe mund të dukej më i dobët me ngjyra, për shembull kjo skenë pylli dimërak. Shkrepur në Canon PowerShot G7 X Mark III në 1/500 sek, f/2.8 dhe ISO400. © Helen Bartlett

Shumë imazhe peizazhesh mbështeten mbi blunë dinamike të qiellit ose tonet e ngrohta në të kuqe që krijon perëndimi i diellit. Po ashtu, shumë poza të natyrës varen nga ngjyrimet e pasura natyrore të kafshëve dhe natyrës. Peizazhet bardhezi përcjellin një ndjesi tjetër, që lidhet shpesh me atmosferën dhe dramaticitetin, ndërsa fotot e natyrës në monokrom mund të përdoren dhe për të theksuar detajet e bukura që shikojmë te kafshët insektet dhe bimët.

Të kuptuarit se cilat imazhe bën të kthehen në bardhezi është një aftësi më vete. Në thelb synimi është të "shtoni" diçka duke hequr ngjyrat, ndaj pyesni veten nëse do të përmirësohet imazhi nga paraqitja në monokrom.

Shikoni për foto që nuk mbështeten te ngjyrat për të ngjallur interes ose ku ngjyra është shpërqendruese ndaj subjektit. Skenat e peizazheve që kanë një atmosferë apo intensitet të caktuar të krijuar nga dritëhija janë ideale, pasi kjo do të theksohet nga kontrasti dinamik në mono. Fotografët e natyrës duhet të kërkojnë për motive dhe detaje që mund të nxirren në pah duke hequr ngjyrat, si p.sh. lëvoren e vjetruar të një peme ose relievin e bukur të puplave të një shpendi.

Fotografia bardhezi e peizazheve dhe e arkitekturës

Një imazh bardhezi i pemëve pa gjethe në një peizazh të djerrë.

Imazhet e peizazhit me qiej të vrenjtur dhe ndriçim atmosferik mund të duken më dramatikë në bardhezi, ku ngjyrat mungojnë. Shkrepur në Canon EOS R me objektiv Canon RF 24-105mm F4L IS USM në 105mm, 1/320 sek, f/6.3 dhe ISO100.

Një imazh bardhezi i një ndërtese betoni, shkrepur nga poshtë, duke krijuar forma gjeometrike me hijen.

Bardhezia mund të nxjerrë vërtet në pah ndërthurjen e pasur të formave dhe relieveve në pozat e arkitekturës, duke hequr shpërqendrimin e ngjyrave nga ekuacioni. Shkrepur në Canon EOS 90D me një objektiv Canon EF-S 18-55mm f/3.5-5.6 IS STM në 31mm, 1/250 sec, f/8 dhe ISO100.

Peizazhet janë të mirëpërshtatura për fotografinë bardhezi, sidomos kur ka shumë pak ngjyrë në një skenë - pa të gjelbra vibrante dhe pak lule të kuqe e të verdha. Mund të përqendroheni në format e pemëve pa gjethe, muret e gurta dhe ndërtesat. Kompozimi dhe kontrasti bëhen elemente thelbësore të imazhit.

Rrjeta me rregullin e treshit – që mund të shikohet përmes inkuadruesit elektronik (EVF) të kamerave pa pasqyrë të Canon, si p.sh. Canon EOS RP dhe Canon EOS R6, dhe mund të zbatohet në ekranin e pasmë të kamerave EOS DSLR në Live View – është veçanërisht e dobishme në fotografinë bardhezi, me pak ngjyra për shpërqendrimin e syrit. Vendosja e subjektit tuaj kryesor në nj pikë ku priten vijat vertikale dhe horizontale do t'i japë forcë kompozimit.

Fotot arkitektonike shkrepen shpesh në monokrom për të theksuar formën e ndërtesave. Kontrasti i shtuar i mundshëm me bardhezinë përkundër ngjyrave i përshtatet mirë subjektit. Këto foto shkrepen shpesh që herët në mëngjes, pjesërisht për të evituar shpërqendrimet e trafikut dhe të njerëzve, por edhe për të shfrytëzuar dritën nga dielli që është ulët në horizont. Kjo dritë hedh hije të gjata dhe mund të krijojë një estetikë tërheqëse kur bie përmbi gurë të ashpër apo beton. Ashtu si me atmosferën, relievet shpesh mund të përmirësohen së tepërmi nga thjeshtësia e bardhezisë.

Fotografia e natës ia vlen për të provuar edhe bardhezinë, edhe ngjyrat. Shpesh ndriçimi i verdhë i dritave të rrugës ose vezullimi nga hëna e plotë e sjell në jetë skenën. Përndryshe, relievi dhe motivet e një skene dalin në efekt më të mirë në monokrom. Kur synoni të përçoni një ndjesi formash, hijesh dhe drite të forte, bardhezia eviton problemet e mundshme të shkaktuara nga temperaturat e ndryshme të ngjyrave për burimet e ndryshme të dritës.

Fotografia bardhezi e sporteve dhe e aksionit

Një imazh bardhezi i dy adoleshentëve që kërcejnë në një oborr.

Kjo pozë aksioni me kontrast të lartë funksionon mirë në bardhezi. Minimizimi i ngjyrave shpërqendruese të sfondit, e fokuson vëmendjen e shikuesit te fytyra e subjektit. Shkrepur në Canon EOS R me objektiv Canon RF 35mm F1.8 MACRO IS STM në 1/2000 sek, f/2.2 dhe ISO400. © Ilvy Njikoktjien

Për nga natyra e tyre, skenat sportive dhe të aksionit janë shpesh përplot me ngjyra - aq shumë sa dhe personi apo objekti kryesor që përpiqeni të shkrepni humbet në skenë. Konvertimi në bardhezi mund të shmangë shpërqendrimin, si dhe të theksojë më tej shprehitë në fytyrat e njerëzve.

Skenat me kontrast të lartë funksionojnë mirë në bardhezi, fotot e shkrepura në kushte të ndriçuara me diell japin hije të thella dhe ndriçime të larta. Fotot bardhezi i përdorin këto më së miri, dhe efektet mund të dërgohen në pasproduksion për të krijuar imazhe dramatike.

Përdorimi i filtrave për fotografinë bardhezi

Një plan i afërt në bardhezi i një gjetheje të madhe, shkrepur me një efekt të përdorur të gjelbër.

Dy shembuj të një gjetheje të madhe të shfaqur, fillimisht me një efekt filtri të gjelbër aktiv dhe pastaj pa të. Filtrat e gjelbër janë të dobishëm për veçimin e ngjyrave të gjelbra, duke i bërë idealë për pozat e pemëve dhe të gjelbërimit. © Marcus Hawkins

Një plan i afërt bardhezi i një gjetheje të madhe.

Shumë kamera përfshijnë efektin Filter në cilësimin Monochrome. Shikoni nëse e ka dhe kamera juaj. © Marcus Hawkins

Në fotografinë me film bardhezi, filtrat e objektivave përdoren shpesh për të ndryshuar tonet në imazhe. Filtrat e verdhë dhe të kuq, thithin më shumë dritën blu, p.sh. duke i bërë qiejt të duken më të errët.

Kjo jo vetëm që e bën skenën më dramatike, por edhe rrit kontrastin mes reve të mundshme të bardha dhe qiellit. Përndryshe, efekti i filtrit ofrohet shpesh në cilësimet Picture Style në kamerat digjitale Canon EOS. Mund të zgjidhni të verdhën, të kuqen, portokallinë ose të gjelbrën për të ndryshuar tonet monokrome që të simuloni efektin e filtrave dhe për të theksuar ngjyra të caktuara duke i bërë më të shndritshme ose më të errëta.

Kompleti i sugjeruar për fotografinë bardhezi

Imazhet dramatike bardhezi shpesh janë me kontrast të lartë. Kjo e bën të rëndësishme pasjen e një diapazoni të mirë dinamik për kamerën, në mënyrë që të mund të ruajë detajet si në ndriçime, ashtu edhe në hije të errëta. Për numrin e megapikselëve, një kamerë kuadërplotë arrin diapazon më të mirë dinamik se një model APS-C, ndaj kamerat si Canon EOS RP, EOS R6 dhe EOS 6D Mark II punojnë veçanërisht mirë. Sidoqoftë, kamerat me sensor për preje figure si p.sh. Canon EOS M50 Mark II dhe PowerShot G7 X Mark III mund të arrijnë foto mahnitëse bardhezi, pavarësisht se kanë sensorë më të vegjël imazhi.

Të gjitha këto kamera mund të shkrepin imazhe në modalitet cilësie RAW, me thellësi ngjyrash në 14 bit. Kjo mundëson një diapazon më të madh dinamik se modaliteti 8-bit JPEG, duke mundësuar një diapazon më të madh në ndryshimin e ndriçimit dhe shtyrjen e kontrastit gjatë editimit të imazheve në një program si DPP.

Monochrome Picture Style që përmbajnë të gjitha këto kamera vjen me përfitimet e mëtejshme që mund të zbatoni filtra digjitale në stadin e shkrepjes, si p.sh. të verdhë, portokalli, të gjelbër ose të kuqe për përmirësim progresiv të kontrastit dhe dramaticitetin e qiejve blu me re. Ka edhe efekte tonale si p.sh. Sepia për krijimin e një pamjeje të vjetruar. Një avantazh i kamerave pa pasqyrë është se mund t'i shqyrtoni efektet e filtrit dhe tonale drejtpërdrejt në inkuadrues gjatë shkrepjes. Ka dhe një shqyrtim në ekranin e pasmë të një DSLR nëse shkrepni në modalitetin Live View.

Një avantazh i cilësdo kamerë pa pasqyrë EOS ose sistemi DSLR është se mund të vendosni objektivin ideal për çdo skenar shkrepjeje. Objektivat zmadhues si p.sh. Canon RF 24-105mm F4-7.1 IS STM dhe RF 24-105mm F4L IS USM ju japin lirin të shkrepni me një larmi të gjerë gjatësish fokale pa ndërruar objektiv. Por, objektivat fiksë "më të shpejtë" si p.sh. Canon RF 35mm F1.8 MACRO IS STM, RF 50mm F1.8 STM dhe RF 85mm F2 MACRO IS STM mundësojnë shpejtësi më të larta në ndriçim të ulët, që të mund ta fiksoni lëvizjen pa qenë nevoja ta rrisni dhe aq cilësimin ISO, çka ndihmon në fotografinë bardhezi pasi e mban në minimum zhurmën e figurës. Mund dhe të arrini një rreze më të ulët qartësie për izolimin e subjektit kryesor në një skenë dhe reduktimin e shpërqendrimit të një sfondi të mbingarkuar.

Imazhet e forta bardhezi shpesh përmbajnë detaje shumë të imëta dhe relieve të pasur. Për të ndihmuar në ruajtjen e tyre te shkrepja dorazi, fotostabilizimi efikas mund të jetë një prej avantazheve kyçe. Të gjithë objektivat IS nga Canon të listuar më lart përmbajnë fotostabilizim optik, ndërsa dy objektivat Macro IS kanë një fotostabilizator "hibrid" që ruan efikasitet më të madh gjatë shkrepjes së planeve të afërta. Canon EOS R6 ka një IBIS (fotostabilizator brenda kamere) me 5 boshte që arrin deri në 8 nivele stabilizimi kur përdoret me objektiva të përshtatshëm. EOS R6 ndihmon dhe në arritjen e qartësisë edhe në pozat më të vështira, me sistemin e vetëfokusimit.

Shkruar nga Matthew Richards

Produktet e lidhura

Artikujt e lidhur