Zbuloni se si kamera e vogël por e fuqishme Canon PowerShot V10 po ngre cilësinë e përmbajtjeve

Kamera Canon PowerShot V10 është kamera ideale për t’u mbajtur në xhep për krijuesit e përmbajtjeve. Me një peshë prej vetëm 211 g, ajo është mjaftueshëm portative për t’u transportuar kudo por plot me veçori inteligjente për të bërë videoblogimin të shpejtë dhe të lehtë pa sakrifikuar cilësinë. Pavarësisht përmasave të vogla të kamerës, ajo mund të filmojë video UHD 4K të qarta, ndërsa dy mikrofonat e integruar me diametër të madh sigurojnë audio me cilësi të shkëlqyer për filmime dhe narratim.

Me një objektiv fiks këndgjerë, kamera PowerShot V10 kap një pamje të gjerë për foto individuale ose në grup, si dhe mund të përdoret edhe si një kamerë interneti. Falë lidhjes së integruar Wi-Fi dhe Bluetooth dhe aplikacionit pa pagesë Canon Camera Connect është e mundur të transmetohet drejtpërdrejt në kanalet sociale, të kontrollohet kamera në distancë dhe të dërgohen skedarë në një telefon inteligjent për ngarkime të menjëhershme në mediat sociale.

Këtu, takojmë katër influencuesit kreativë nga e gjithë Evropa, të cilët përdorin kamerën PowerShot V10 për të krijuar përmbajtjet e tyre më të arrira dhe tërheqëse. Nga gatimet e shijshme vegane, deri te videoblogimet e bukurisë, kamera PowerShot V10 ka krijuar mundësi krijuese emocionuese dhe ka bërë procesin e tyre të punës më të shpejtë dhe të lehtë. Lexoni më tej për të zbuluar se si kamera më e vogël e videoblogimit e Canon po jep një impakt të madh.

Me vendndodhje në Francë, adhuruesja e sporteve ekstreme Manon Lanza krijon përmbajtje që i promovon gratë në sportet e sërfit, patinave dhe borës. Pavarësisht nëse është duke filmuar në park patinazhi apo me miqtë e saj në plazh, ajo ka nevojë për një kamerë që mund të ndjekë ritmin e saj.

“Më pëlqen të jem në lëvizje dhe gjatë sportit zakonisht nuk mbaj një çantë me vete, ndaj më duhet diçka e vogël,” shpjegon Manon. Kamera Canon PowerShot V10 mund të shkojë aty ku një kamerë e madhe nuk mundet, gjë që i dha asaj një mjet krejtësisht të ri për filmimin në lëvizje. “Madhësia e kamerës PowerShot V10 është fantastike, pasi unë mund ta mbaj atë në xhep teksa bëj patinazh. Cilësia 4K është absolutisht e shkëlqyer nëse doni të realizoni videoblogime dhe nuk doni të humbisni asnjë moment.”

Manonit i pëlqen të filmojë në lëvizje dhe vetëfokusimi i gjurmimit të fytyrës dhe fotostabilizimi dixhital i filmit e mbajtën atë në fokus gjatë ecjes dhe madje edhe gjatë rrotullimeve dhe kthesave gjatë ngarjes së skejtbordit, duke siguruar që ndjekësit e saj të mund të qëndronin me të, pavarësisht vështirësive të lëvizjeve të saj. Ajo u mrekullua edhe nga mikrofonat e integruar të kamerës PowerShot V10 dhe xhami mbrojtës që ndihmon në reduktimin e zërit të mbytur jashtë. “U impresionova kur shkova për të filmuar mikun tim dhe mund të dëgjoja rrotat në mënyrë të përkryer në tokë. Audioja ishte aq e mirë sa mund ta përdor edhe për narratim.”

Videoblogerja e ushqimit vegan Madeleine Olivia është një përkrahëse e jetesës së thjeshtë dhe të qëndrueshme. Ajo ka ndarë receta me bazë bimore edhe video rinovimi nga shtëpia e saj e bukur në Cornwall në MB për më shumë se shtatë vjet dhe ka grumbulluar më shumë se 550 mijë ndjekës në YouTube. "Unë fillova me kamerën Canon DSLR, dhe më pas mora kamerën Canon PowerShot G7 X [pasuar tani nga kamera Canon PowerShot G7 X Mark III] për ekranin e saj rrotullues."

Sipas Madeleine, ekrani me anim dhe me prekje 5cm LCD i kamerës Canon PowerShot V10 është i përkryer për kompozimin e videove të ushqimeve përpara dhe pas kamerës. “Vetëfokusimi i gjurmimit të fytyrës është vërtet i rëndësishëm për realizimin e videove të ushqimeve. Unë mund të realizoj një foto dhe të kthej çelësin e fokusit pa problem nga ushqimi që po konsumoj te unë.”

Pavarësisht nëse është duke krijuar një video dekorimi në shtëpi apo duke filmuar gjatë kohës që bën pazar, kamera PowerShot V10 i jep Madeleine një pamje të qëndrueshme pa pasur nevojë për një trekëmbësh. Mbajtësja e integruar dhe fakti që mund ta anoj atë janë revolucionare. Është aq e vogël sa mund të filmoj në supermarket dhe të mos bie në sy. Mundësia për t’i shtuar një mikrofon të jashtëm kamerës hap edhe më shumë mundësi.”

Celia Castle ka përdorur gjithmonë kamera Canon për të ndarë përditshmërinë e saj me botën. “Vij nga një qytet i vogël në veri të Spanjës. Gjatë fëmijërisë, nuk kam qenë e rrethuar me shumë fëmijë, kështu që kisha vetëm internetin.” Rreth vitit 2010, Celia zbuloi YouTube-in, u fiksua pas videove të modës dhe i lindi pasioni për videoblogimin e stilit të jetesës. “Babai im kishte gjithmonë një kamerë të vogël dixhitale Canon dhe pas dy-tre vjetësh, me bleu një kamerë DSLR. Gjithashtu kisha kamerën Canon EOS 700D [pasuar tani nga kamera Canon EOS 850D] me një ekran rrotullues, e cila ishte fantastike.”

Celias i pëlqeu menjëherë madhësia e kamerësCanon PowerShot V10 në duart e saj. “Mund ta marrësh kudo; në koncerte, udhëtime.” Duke qenë se sensori i madh CMOS 1,0 inç i kamerës mbledh më shumë dritë, kjo i dha Celias besimin për të filmuar pas muzgut.

Videot e YouTube-it të Celias shpesh filmohen në rrugë, dhe lidhjet me valë të kamerës PowerShot V10 i mundësuan asaj të ndajë përmbajtjen e saj më lehtë. “Kam përdorur aplikacionin pa pagesë Canon Camera Connect për të transferuar video dhe foto në celular. Është praktike kur udhëton pa një laptop, veçanërisht për ngarkimet në TikTok.

“Kjo është hera ime e parë që shoh një markë të krijojë një kamerë posaçërisht për krijuesit e përmbajtjeve. Tregon se kanë dëgjuar nevojat tona,” shton ajo.

Videoblogerja nigeriane Uche Natori është bërë një influencuese e rëndësishme në skenën e modës dhe bukurisë në Londër në MB. “E fillova këtë si një hobi më shumë se 10 vjet më parë dhe e bëj me kohë të plotë prej gjashtë vitesh,” shprehet ajo.

Uche ndan video për realizimin e makijazhit dhe përmbajtje të stilit të jetesës me më shumë se 540 mijë ndjekës në YouTube dhe kanale të tjera sociale. Për të, madhësia e kamerës Canon PowerShot V10 është e përkryer për t’u mbajtur me vete në evente. “Është më e vogël dhe zë më pak vend se celulari im.” Megjithatë, pesha e lehtë nuk nënkupton filmime me cilësi të dobët. “Cilësia 4K është një përmirësim nga modelet e tjera “drejto e shkrep” dhe këndi i gjerë është shumë i preferuar.”

Ekrani rrotullues fleksibël i kamerës PowerShot V10 anohet deri në 180 gradë, ndaj Uche mund të ndryshojë lehtësisht cilësimet dhe të caktojë nivelin e zmadhimit dixhital gjatë filmimit. Kamera ka modalitete ekspozimi automatik dhe manual, si dhe 14 filtra me ngjyra nga të cilat mund të zgjidhni. “Kur ekrani kthehet lart, të gjithë butonat janë në pjesën e pasme,” thotë Uche. Asaj i pëlqen gjithashtu fakti se kamera ka ekran me prekje, pasi kjo i mundëson asaj të rregullojë lehtësisht cilësimet.

Pas filmimit, edhe ndarja është e lehtë për Uche. “Me aplikacionin Canon Camera Connect në celular, mund të transferosh lehtësisht përmbajtjet, që është fantastike për ngarkime të menjëhershme.”

Kudo, kurdo dhe sido që dëshironi të krijoni, cilësia dhe veçoritë e kamerës PowerShot V10 ju lejojnë të përshtateni, ndërsa përmbajtja juaj të spikasë. Me një mbajtëse, kohëmatës dhe gjurmim të fytyrës, nuk do ta keni më të vështirë të krijoni një videoblog. Me komunikim me valë, ju mund të ndani përmbajtje menjëherë ose edhe të transmetoni drejtpërdrejt. Dhe me videot 4K UHD dhe fotot 15.2MP, do të mund të krijoni përmbajtje fantastike, direkt nga xhepi juaj.


Shkruar nga Lauren Scott