Përpunoni, krijoni e prezantoni me @paperboyo

Ajo që i bëri fillimisht përshtypje @paperboyo ishte cilësia e fotove nga printeri i serisë PIXMA TS5350.

“E kisha harruar se çfarë impakti mund të ketë një printim nga një printer i mirë, dhe kur printove disa foto provë në letrën me fotografike me shkëlqim u impresionova vërtet nga cilësia. Gjithashtu, kur mendoni për printimet e fotove është letra me shkëlqim që ju vjen në mendje, por sakaq letra dyanëshe mat ishte diçka që nuk e besoja se do të nxirrte të njëjtën cilësi, por ja që e bëri. Shumë stil retro dhe shumë e bukur!”

Atij i bëri gjithashtu përshtypje se sa ide spontane jepnin llojet e ndryshme të letrës.

“Disa prej koncepteve të mia ia qëlluan në shenjë, disa jo, por ishte zbavitëse të mendoje gjëra të reja që mund realizosh. Disa prej këtyre ideve i mora nga një dosje në kompjuter me emrin "ide për t'i provuar ndonjë ditë"! Ishte emocionuese tek provoja si idetë e mia të vjetra ashtu edhe ato të reja.

“Për shembull, një videoartikull që nxora në faqen e "Insta" mund të dilte 5 minuta nëse vija gjithë idetë e mia aty. Në fund përdora gjëra si lapsa e letra që dilnin prej letrës, që ishte më interesante se ç'e mendoja në fillim. Kryesisht sepse printimet kishin kaq shumë detaje sa pamjet 2D merrni cilësi sireale në 3D që s'e kisha parë më përpara.”

“Ideja më erdhi nga pasioni që kam për truket magjike, iluzionet optike dhe fotografia me perspektivë të rreme. Baza e stileve të mia artistike te Paperboyo është pikërisht ky pasion që kam për magjinë dhe iluzionin. Letra fotografike më dha shansin të rimerrem me një hobi të vjetër që e kisha lënë në një kuti diku dhe që s'e ka parë më dritën për vite tanimë.

Një mendim që @paperboyo e ka pasur për një farë kohe tanimë ka qenë t'i printonte shabllonet e tij të mirënjohura Paperboyo nëpër bluza që të mund të bashkëveprojnë me xhepin.

“Kam folur me shumë printues bluzash në të kaluarën. Të gjithë më thanë se puna me xhepat është shumë e vështirë dhe e shtrenjtë dhe praktikisht u dorëzuan. Kështu që nuk dola kund me të.”

Letra e stampimit me hekurosje për tekstile i dha tanimë shansin të eksperimentojë me një ide që e kishte lënë në harresë. Kjo tanimë është bërë realitet.

“Kanë dalë shumë më mirë se ç'e mendoja, disenjimet janë shumë të plota dhe profesionale, dhe shumë të lehta për t'u krijuar, gjë që më befasoi duke marrë parasysh se çfarë më kishin thënë printuesit.”

@paperboyo u kënaq me reagimet e marra.

“Më pëlqeu vërtet të punoj me printerin e serisë PIXMA TS5350 dhe me materialet origjinale të "Canon". Argëtimi i printimit të punëdoreve del më së miri përmes përmbajtjes dhe në komentet fantastike që kam marrë.

“Do të vazhdoj doemos të eksperimentoj në të ardhmen me origami, me animacionet me kuadro dhe mbi të gjitha me bluzat e stampuara.”

Kështu që jepini, frymëzohuni për t'i përpunuar, krijuar e prezantuar idetë tuaja ashtu si @paperboyo, dhe ndajini me ne përmes #LiveAndCreate.