A child sits on a stepladder entertained by his parents.

Fotografia familjare

Si të nxirrni fotografi më të mira për Krishtlindje se vitin e kaluar

Edhe nëse Krishtlindja është e rrënjosur në traditë, çdo stinë festash është unike. Prandaj është e rëndësishme të siguroheni që të fotografoni momentet fluturake të argëtimit në familje dhe organizimet e Krishtlindjes. Fotografja ruse e familjeve, Lena Petrova, ka perfeksionuar mënyrën e saj të fotografimit të kësaj periudhe të veçantë të vitit, si për fotografitë spontane ashtu edhe për fotografitë e planifikuara në grup - por përsëri argëtuese dhe të thjeshta.

Metoda e Lenës për fotografinë familjare mund të përmblidhet me një fjali: “Do të realizoni fotografi të bukura kur të gjithë harrojnë se po dalin në fotografi dhe thjesht shijojnë kohën që kalojnë me njëri-tjetrin.” Kjo do të thotë të ngrini muzikën, të bëni shaka dhe të luani me fëmijët - të kaloni një kohë gazmore ndërkohë që krijoni kujtime të përjetshme.

Pavarësisht nëse planifikoni të regjistroni fotografitë për kartolinat tuaja familjare të Krishtlindjes për këtë vit, ose thjesht dëshironi të kapni atmosferën dhe frymën e pushimeve, 10 këshillat e Lenës më poshtë do t'ju japin shumë ide për fotografinë e Krishtlindjes dhe do t'ju tregojnë se si të nxirrni fotografi familjare në shtëpi. Pasi të keni fotografitë tuaja të përsosura familjare të Krishtlindjes, drejtohuni te Creative Park për opsione të pafundme për t'i printuar, duke përfshirë shabllonet e kartolinave të Krishtlindjes, kornizat e printueshme të fotografive dhe librat fotografikë, për t'ua dhënë të dashurve tuaj si dhurata.

10 këshillat nga Lena Petrova për regjistrimin e fotografive të Krishtlindjes në shtëpi dhe në kopsht

1. Zgjidhni momentet që kanë rëndësi

"Për fotografitë tuaja spontane, kini parasysh se cilat elemente të pushimeve janë të rëndësishme për ju dhe për familjen tuaj. Përveç dekorimit të pemës së Krishtlindjes dhe hapjes së dhuratave, ka udhëtime në dyqane për Krishtlindje, përgatitje për darkën, nënshkrimi i kartolinave, emocioni i pritjes së Babagjyshit dhe pa dyshim shumë gjëra të tjera që kanë domethënie për ju dhe të dashurit tuaj. Prandaj sigurohuni që ta keni gjithmonë kamerën gati..."

2. Përqendrohuni te gjërat që kanë rëndësi

"Gjërat që krijojnë një atmosferë të rehatshme në jetën reale nuk janë gjithmonë të përshtatshme për një fotografi të pastër, prandaj kur realizoj portrete të njerëzve në shtëpitë e tyre, shpesh lëviz mobiliet dhe dekoret e tepërta për t'i larguar nga kuadri, duke përfshirë edhe fotografitë në mure. Nuk e bëj këtë për fotografitë spontane, por fatmirësisht ka shumë mënyra të tjera për ta rregulluar sfondin duke përdorur vetëm kamerën. Jo vetëm që mund të zgjidhni një kënd të mirë dhe të inkuadroni fotografinë, por mund të krijoni po ashtu një sfond të turbullt me efektin bokeh duke fotografuar me një hapje të gjerë të diafragmës, si p.sh. f/1.8."

3. Mendohuni për sfondin

"Për një portret familjar, unë kërkoj një sfond që është i qetë, në mënyrë që të mos tërheqë vëmendjen nga njerëzit në fotografi. Por nuk ka pse të jetë i thjeshtë - mund të përfshini një pemë Krishtlindjeje ose drita dekoruese për të krijuar një atmosferë festive."

4. Përdorni objekte plotësuese dhe dekorime

Artikujt e lidhur
canon-get-inspired-christmas-craft-1-185

IDE KRIJUESE ARTIZANALE ME PRINTIMET

Gjashtë gjëra të mrekullueshme që nuk i dinit që mund t'i bënit me printerin tuaj

Bëhuni krijues dhe bëni dhuratat tuaja të Krishtlindjes, dekorimet dhe lojërat tuaja në këtë stinë festash. Të gjitha shabllonet janë falas për t'u shkarkuar dhe për t'u printuar.

canon-get-inspired-baby-photography-1-185x94

FOTOGRAFIA E BEBEVE

12 këshilla për fotografinë e bebeve që mund t'i përdorni sot

Ruajini ato momente të çmuara dhe regjistroni zhvillimin e foshnjës suaj me mënyrat tonë të zgjuara për ta bërë argëtuese fotografinë e bebeve dhe për të siguruar rezultate të shkëlqyera

canon-get-inspired-lena-petrova-related-articles-1-185

FOTOGRAFITË FAMILJARE

Histori të krijuara në shtëpi

Disa nga historitë më të mira krijohen në shtëpi. Ne folëm me fotografen dhe krijuesen e historive të familjeve Caroline Holt se si e kapte bukurinë e familjeve në vendet që ato i quanin "shtëpi".

A mother and child look at a Christmas display outside.

"Për një fotografi Krishtlindjeje në ambiente të jashtme, do t'ju duhen elemente në kuadër që tregojnë se është koha e Krishtlindjes, si p.sh. pemë, drita dhe dekore. Mund të sillni po ashtu objektet tuaja plotësuese, si p.sh. papuçe, lodra ose ëmbëlsira. Mos kini frikë se e teproni; është më mirë të keni pak nga të gjitha se të kufizoheni në një ose dy lloje objektesh. Mendoni edhe për veshjet festive po ashtu. Mund të duket e çuditshme që subjektet tuaja të pozojnë me xhaketa të zakonshme kur mbajnë me objekte të Krishtlindjes në duar ose janë të rrethuar nga drita festive. Por sigurohuni që veshjet të mos tërheqin vëmendjen nga fytyrat në fotografi, me ngjyra shumë të forta ose në kontrast të fortë."

5. Përdorni lenten e duhur

"Qëndroni në një distancë nga subjektet tuaja që ju lejon të përdorni një lente 50mm. Mund të jetë tundimi për të përdorur një lente me kënd të gjerë për të përfshirë më shumë persona në kuadër kur nuk keni hapësirë, por gjatësitë e shkurtra fokale do të krijojnë shformime që nuk do t'u pëlqejnë familjarëve tuaj. Nëse nuk keni një lente të posaçme për portretet, qëndroni sa më larg të jetë e mundur nga subjekti dhe zmadhoni me një lente të paketës standarde."

6. Bëjeni argëtuese për fëmijët

"Për të nxjerrë fotografi të mira të fëmijëve duke luajtur, gjëja më e mirë është të luani me ta, t'i nxitni pak dhe të stimuloni imagjinatën dhe besimin e tyre. Përpiquni të zbuloni se çfarë dëshirojnë të bëjnë fëmijët dhe krijoni një situatë ku mund ta tregojnë këtë. Fotografitë më të mira do t'i realizoni kur të gjithë argëtohen."

7. Lëreni muzikën të vazhdojë

"Përpiquni të shmangni heshtjen gjatë përgatitjeve tuaja për fotografi në grup. Shpesh, fotografët fillestarë kanë tendencën të përqendrohen te problemet teknike, duke u mbyllur në vetvete dhe duke harruar njerëzit që pozojnë për fotografinë. Nga ana tjetër, shokët tuaj dhe anëtarët e familjes do të mërziten dhe kjo duket në fotografi. Tregojuni se çfarë po bëni dhe filloni muzikën për të bërë që njerëzit të qetësohen. Zakonisht unë sjell një altoparlant portativ për këtë arsye."

8. Përsosni kompozimin e fotografive në grup

A family of six stands outside in sweaters.

"Kryesore është organizmi i grupit për një portret familjar. Objektivi juaj është t'i vendosni kokat e të gjithëve në nivele të ndryshme. Shikoni nëse mund të gjeni karrige me lartësi të ndryshme, ose përdorni një kolltuk dhe bëni që një person të ulet te krahu i kolltukut. Zakonisht unë filloj me qendrën e kuadrit dhe vazhdoj me pjesën e jashtme, duke i shtuar njerëzit një nga një. Por nëse familja është e madhe, shikoj në kuadër, përcaktoj madhësinë e kuadrit dhe vendos dy persona në kufijtë majtas dhe djathtas të kuadrit. Më pas të gjithë të tjerët kërkoj që të zënë vend në hapësirën mes tyre dhe bëj disa rregullime për të siguruar kompozimin më të mirë.

Duke caktuar kohëmatësin në kamerë, ose duke përdorur aplikacionin Canon Camera Connect për ta nxjerrë fotografinë në largësi, mund të përfshini edhe veten tuaj në portretin familjar. Mos harroni të nxirrni shumë fotografi, në rast se dikush mbyll sytë."

9. Përdorni thellësinë e duhur të fushës

"Për një portret në grup, pothuajse gjithmonë punoni me dy rreshta njerëzish. Për të siguruar një fokus të qartë për të gjithë pjesëmarrësit në dy rreshta, hapja e diafragmës duhet të jetë rreth f/4-5.6."

10. Mos harroni kafshët shtëpiake

"Llambat dhe lodrat e Krishtlindjes janë të reja dhe emocionuese për kafshët shtëpiake, kështu që ka shumë mundësi të realizoni fotografi argëtuese dhe gazmore për Krishtlindje me to. Mund ta ngacmoni një mace me shirita dhuratash ose dritat festive, dhe qentë luajnë me gëzim jashtë në borë me fëmijët - të gjitha këto janë subjekte të shkëlqyera për fotografi argëtuese për Krishtlindje."

Produktet e lidhura